(Argieffoto: Kent Williamson)
Ses verdagtes is Donderdagoggend in ʼn skietery met die polisie in Inanda in KwaZulu-Natal dood.
Die skietery het by ʼn huis in Emachobeni uitgebreek nadat die polisie intelligensie opgevolg het oor waar verdagtes – wat in verband met ʼn vlaag huisbrake, moord, sakeroof en kapings gesoek word – hulself bevind.
Volgens brig. Jay Naicker, polisiewoordvoerder, het die verdagtes met polisie se aankoms by dié huis wild en wakker op beamptes losgebrand. Die polisie het teruggevuur en ses verdagtes doodgeskiet.
Nog drie verdagtes, onder wie ʼn 31-jarige vrou, is in hegtenis geneem.
Slegs een polisiebeampte is beseer toe ʼn koeël sy hand skrams getref het.
“Twee vuurwapens en ’n haelgeweer is in die verdagtes se besit gevind, asook ’n voertuig wat in Desember verlede jaar by KwaDabeka gekaap is. Die verdagtes sal binnekort in die hof verskyn,” het Naicker gesê.
Daar is massas van hulle. Om n vaalkol te maak moet so iets daagliks gebeur. Ons belastingbetalers kan nie meer gevangenisse in aanhouding bekostig nie.
Dit moet meer maal gebeur. Dan sal misdaad miskien begin afneem.
Dit is net n druppel in die emmer seker beter as niks.Kan nie se goeie werk nie beleef elke dag die swak diens en ondersoek van sake.