Staatsrede: SA ‘hoopvol’ tydens ‘Ramaphosa-wittebrood’

President Cyril Ramaphosa. Foto: GCIS

Die burgerregte organisasie AfriForum het in ʼn verklaring gesê die ware inhoud van pres. Cyril Ramaphosa se eerste staatsrede sal eers beoordeel kan word wanneer die “Ramaphosa-wittebrood” verby is.

Alana Bailey, adjunk- uitvoerende hoof van die organisasie, het gesê die werklike betekenis van sy verwysings na onder meer transformasie en grondonteieningsplanne sal eers in die uitvoering daarvan duidelik word.

“Ná die politieke onstuimigheid wat die aanvang van 2018 in Suid-Afrika gekenmerk het, het pres. Ramaphosa met die staatsrede duidelik gepoog om ’n versplinterde gehoor te verenig. In die proses het hy selfs ’n paar woorde Afrikaans gepraat en erkenning aan die taal- en kulturele verskeidenheid van die land se gemeenskappe gegee.

“Sy fokus was veral op ekonomiese herstel en groei. Hy het die meeste van die ernstigste probleme in die land eerlik geïdentifiseer, soos die onaanvaarbare hoë jeugwerkloosheidsyfer en die krisistoestand van ondernemings in staatsbesit,” het sy gesê.

Bailey meen Ramaphosa het geen sekerheid gegee oor die kwessies wat juis “die ekonomie in onsekerheid dompel en beleggers afskrik” nie.

Dié kwessies sluit onder meer in grondonteiening sonder vergoeding, nasionale minimumlone, transformasie en gratis tersiêre onderwys. Bailey meen daar was egter geen verwysing na presies hoe dié programme uitgevoer sal word nie.

“Veral onrusbarend, was die lang en luide applous in reaksie op sy verwysing na grondonteiening sonder vergoeding,” sê sy.

Bailey sê die staatsrede was uiteindelik vol “beloftes en idealistiese uitsprake”. Sy sê net die tyd sal egter kan leer of die “hoopvolle atmosfeer wat pres. Ramaphosa probeer skep het” volhoubaar sal wees en op konkrete positiewe resultate sal uitloop.

Volgens die organisasie het die staatsrede weer die noodsaaklikheid van ’n sterk, onafhanklike burgerlike gemeenskap en burgerlike instellings wat politici vir hulle optrede en beloftes aanspreeklik kan hou, beklemtoon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Jerry

Alana en Afri-Forum moet hulself reg posisioneer om deel te wees van die werksgroepe wat CR in die lewe gaan roep om al die probleemareas wat Cyril (nie CR) in die skrywe uitlig, aan te spreek. Wees so deel van die oplossing, dit kan dalk ook help om julle visie te verbreed!

Alida

Ons moet hom n kans gee. Hy kan nie oornag alles verander nie. Hy moet eers van die ongure elemente ontslae raak voor ons iets sal sien en voel. Huisskoonmaak is baie harde werk.

Cherokee

Ag júlle en Maroela is ‘n pyn! Die staatsrede was voorberei nog voordat Ranaphosa besef het dat hy eerste oor die wenstreep was.

Catherine

Ramaphosa can unite us again

Callie

Liewe hemel. Die blatante stiksienigheid, ongelooflike naiwiteit en byna kinderlike belaglikheid. As jy wit is en vir een sekonde dink dit gaan beter met jou gaan. Hemele behoed ons, aarde sluk ons in, ek is nie meer deel van julle nie