Steve doen regstappe oor konsert

Steve Hofmeyr Foto: Reint Dykema, Solidariteit

JONGSTE: Die plaaslike munisipaliteit in George het sy besluit hersien oor Steve Hofmeyr se konsert in die stadsaal. Lees meer.

Die Afrikaanse sanger Steve Hofmeyr sê hy doen tans regstappe teen die George-munisipaliteit nadat die munisipaliteit sy toestemming teruggetrek het dat Hofmeyr in die plaaslike saal in dié stad ʼn konsert mag hou.

Die George-munisipaliteit het vroeër vandeesweek sy ooreenkoms met die bemarkingsagentskap, wat die saal namens die sanger gehuur het, beëindig.

Groot ongelukkigheid bestaan egter oor dié besluit aangesien al die kaartjies vir die konsert glo reeds uitverkoop is en die konsert deel van die bekendstelling van die sanger se jongste album, getiteld Skree, sou wees.

Hofmeyr het Vrydag aan Maroela Media gesê die konsert sal voortgaan, selfs al moet dit na ʼn ander plek geskuif word. “Dit is egter ons laaste opsie,” sê hy.

Die sanger sê baie van die winste van dié konsert sal in die gemeenskap teruggeploeg word. “Uiteindelik, [terwyl] kliënte jare lank al hoes om my fooi te betaal, gaan bykans 95% van my konserte se wins na die oorlewing van klein gemeenskappe, soms Afrikaans, Christelik, [die gemeenskappe se] kleuterskole, skole en kerkies. Hiervoor is ek dankbaar en sal daarom baklei vir ons,” sê hy.

Chantel Edwards-Klose, kommunikasiebestuurder van die George-munisipaliteit, het aan Maroela Media bevestig dat die munisipaliteit sy toestemming teruggetrek het dat Hofmeyr in die plaaslike saal ʼn konsert mag hou.

Sy wou nie bevestig hoekom dié besluit geneem is nie. “George-munisipaliteit behou ingevolge die amptelike beleid die reg voor om die huur van enige munisipale geriewe met ʼn kennisgewing van 48 uur te kanselleer,” sê sy.

Edwards-Klose meen die munisipaliteit het binne sy reg opgetree. “In hierdie geval het die munisipaliteit sy reg uitgeoefen aangesien die voorgestelde konsert nie [deur die munisipaliteit] goedgekeur word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
Hans

So hul kanseleer Steve se konsert omdat dit afrikaans is niks anders nie.

Ray

Vat hulle Steve, maak soos jy op Zambezi gemaak het. Hulle wil nie sien dat iemand iets goeds doen vir die plaaslike mense nie. Gelukkig is daar nie net Munisipale geriewe in ons land nie.

Wel

Ten minste vir nou

Roelof

Steve , jy moes jou dinge van die begin af gereel het dat dit op iemand se plaas moes wees .Baie meer mense en en betrek dan die klein gemeenskappe sou ek voorstel.
Dan het jy nie nou hierdie probleem gehad nie.

chrissie

Of die EFF het n vergadering daar!!

Marianne

Ek is mal oor Steve, dis skandalig dat klein geestelikes, Politiek aan Musiek koppel. Wat het die een met die ander uit te waai?
Mense in Politieke vergaderings skree, sing en daans mense by ‘n lekker konsert doen dieselfde.
Kom aan man!