Stroper dood in Krugerwildtuin-skietery

Veldwagters in die wildtuin. Foto: SANParke/Facebook

Veldwagters in die wildtuin. Foto: SANParke/Facebook

ʼn Veldwagter het met sy lewe daarvan afgekom nadat hy in ’n skietgeveg met drie vermeende stropers was.

Glen Phillips, bestuurshoof van die wildtuin, het gesê die veldwagter het omstreeks 17:30 Sondag in die wildtuin se Houtboschrand-deel op die vermeende stropers afgekom. Die veldwagter het die verdagtes probeer voorkeer en ʼn skietgeveg het ontstaan.

Volgens Phillips is die veldwagter in die arm geskiet. “Een van die vermeende stropers is doodgeskiet, maar die ander twee kon daarin slaag om te ontsnap.” Phillips het gesê die veldwagter is na ʼn hospitaal in Nelspruit gehaas waar hy in ʼn stabiele toestand is.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Loon ·

Elke veldwagter wat n stroper doodskiet kan maar n bonus kry!

Gerhard ·

Hierdie ouens lyk sommer asof hulle beter opleiding kry as on s.g weermag

Ronel ·

Gaan dit nooit beter word in die land van ons nie? Ons word as “Rommel” aangesien deur die res van die wereld. Hierdie ouens word beter opgelei as die res van die Polise asook ons eie weermag wat nie eers meer bestaan nie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.