Die pa van Pretoria wat sy kinders vroeër vanjaar gif ingegee het, is tot twee keer lewenslank tronkstraf gevonnis vir moord en poging tot moord. Hy is ʼn bykomende 33 jaar tronkstraf opgelê nadat die hof hom skuldig bevind het aan verkragting en huisbraak.
Die regter het in sy uitspraak gesê die pa het “geen agting vir die wet” nie en is nie ʼn kandidaat vir rehabilitasie is nie. “Ek kan dus geen rede vind om van die maksimum straf af te wyk nie.”
Dit kom nadat die pa, wie se naam nie bekendgemaak is nie, in Augustus vanjaar vir sy drie kinders, onderskeidelik twee, agt en 11 jaar oud, vergiftigde worsies gegee het om te eet.
Hy het selfs die 11-jarige kind aangerand en gedwing om die worsies te eet nadat dié geweier het. Die twee oudste kinders het die voorval oorleef, maar die peuter is dood.
Die pa het aanvanklik onskuldig gepleit, maar is in September skuldig bevind aan moord, poging tot moord en die verkragting van die kinders se ma, met wie hy van 2004 tot 2018 in ʼn verhoudings was. Die hof het bevind dat sy getuienis ongeloofwaardig was, maar dat dié van sy kinders eerlik en opreg was.
Ter strafverswaring het die staatsaanklaer adv. Pieter Coetzer aangevoer die pa is skuldig bevind aan ernstige misdade, waaronder die moord op ʼn kind wat hy veronderstel was om lief te hê en te beskerm. “Hy het ook sy ander twee kinders deur die trauma gesit om teen hom te getuig. Daarom vra die staat vir lewenslange tronkstraf.”
Nou moet my belasting geld vir hom sorg lewenslank gee hom worsies om te eet