Tronk toe met swanger vroue wat drink, vra adjunkminister

Argieffoto (Foto; congerdesign, Pixabay)

Vroue wat alkohol gebruik tydens hul swangerskap en veroorsaak dat babas met fetale alkoholsindroom (FAS) gebore word, moet tronk toe gestuur word, het die adjunkminister van maatskaplike ontwikkeling, Hendrietta Bogopane-Zulu, gesê.

Sy staan aan die hoof van ʼn nasionale veldtog teen FAS.

“Om alkohol tydens swangerskap te gebruik beroof babas van hul toekoms en beroof ons gemeenskappe van soveel meer. Dit moet ʼn strafregtelike oortreding wees om tydens swangerskap te drink,” het sy Vrydag aan die gemeenskap van Keimoes, buite Upington in die Noord-Kaap, gesê. “Vroue wat tydens hul swangerskappe drink, moet toegesluit word.”

Die departement se statistiek toon dat Suid-Afrika tans wêreldwyd die voorloper is wat FAS betref. Uit 187 lande word 111 uit 1 000 persone met die toestand in Suid-Afrika gebore.

FAS word veroorsaak wanneer alkohol tydens swangerskap gebruik word. Kinders met FAS het groeivertragings en sukkel gewoonlik met leer- en ontwikkelingsprobleme. Die skade wat die kind as gevolg van die moeder se inname van alkohol opdoen, is onomkeerbaar. Enige moeder wat alkohol inneem tydens swangerskap, plaas haar baba in gevaar om die siekte op te doen. Wanneer die moeder alkohol drink, neem die baba dit ook in. Geen aanduiding kon tot nou toe gevind word van ‘n minimum-hoeveelheid alkohol wat ingeneem moet word voordat skade aangerig word nie. Daar bestaan egter ook geen bewyse dat klein hoeveelhede alkohol nie skadelik is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Jj

Adjunkminister moet in haar spogmotor klim en net I draai deur platteland se dope ry met as kinder toelae betaal word Dan sal sy miskien sien waarvoor word toelae eindlik gebruik dis I skande soos mense drink daar gaan nie veel van toelaag na kind toe nie eerder in keelgat af .

Johann cb

Ek will graag sien hoe die minister hiérdie voorstel toepas!

Anne

Wie wil hulle nog target. Eers die rokerd nou swager vroue. Ek wonder net wanneer bou hulle nog tronke want soos dit is loop daar meer moordenaars en geharde kriminele rond op vrye voet want daar is nie meer plek in tronke nie.

Johanna Botha

Ek het gehoor die vroue drink aspris sodat die kind gebore raak met die sindroom sodat hulle n verhoodge toelaag vir die kind kan kry as gestremde ….is dit waar?

Boer

Hier by ons op die platteland is vroue wat aspris drink tydens swangerskap om meer geld te probeer kry omdat hulle ‘n gestremde kind het.