Twee dood ná skietery op plaas

Argieffoto: Lorraine Claasen

Twee mans is dood ná ’n skietvoorval Donderdag op ’n plaas in die Fochville-omgewing in Gauteng.

Kapt. Appel Ernst, woordvoerder van die polisie, het gesê die werkers is omstreeks 17:30 deur drie gewapende mans oorval. “Die mans het vuurwapens op hulle gerig en op kontant aangedring.”

Volgens Ernst het die mans hierna lukraak op die werkers losgebrand. “’n 71-jarige man is in die maag en arm geskiet terwyl ’n 45-jarige man in die bolyf geskiet is. ’n 65-jarige vrou is in haar arm gewond. Die aanvallers het hierna op die vlug geslaan.”

Ernst het gesê die 45-jarige man se liggaam is ’n paar honderd meter van die huis gevind. “Die 71-jarige man is onderweg na die hospitaal oorlede.”

Twee verdagtes is intussen ’n paar uur ná die voorval in hegtenis geneem. “’n Pistool is in die verdagtes, wat in hul 20’s is, se besit gevind.” Ernst het gesê hulle is hoopvol dat nog inhegtenisnemings binnekort sal volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
willie

so gaan dit net aan en aan, maar skynbaar onskuldige boere word summier opgesluit sonder borgtog wees druk deur die brandstigting bevolking! waar gaan dit eindig?

Jennifer

Nou die werkers ook, nog n taktiek om boere te benadeel.Hongersnood nie n prioriteit nie.

Johann

Deel van Zuma.se Radikale Ekonomiese Ontwikkeling strategie?

Chilli

Boere gee julle plase weg laat ons sien wat dan gaan gebeur no more food! They will buy at checkers hehehe

Charmaine Coetzee

So hartseer dat oumense so deur geweld gedood moet word barbaarse maniere