Twee vroue op plaas oorval, wreed aangerand

Argieffoto

Twee vroue is laatmiddag wreed  aangeval op ʼn plaas net buite Northam in Limpopo.

Kol. Moatshe Ngoepe, provinsiale polisiewoordvoerder, het hoewel inligting nog skraps is aan Maroela Media bevestig twee vroue, onderskeidelik 72 en 52 jaar oud, het in ʼn winkel op ʼn plaas gewerk toe hulle deur ʼn onbekende aantal aanvallers met “harde, skerp” voorwerpe aangeval is.

Marius Müller, nasionale operasionele koördineerder van AfriForum, het aan Maroela Media gesê die vroue is glo met ʼn tuingraaf aangeval.

“Ná die verdagtes van die toneel gevlug het, het een van die slagoffers hulp gaan soek en gevolglik is albei slagoffers vir mediese behandeling geneem,” het Ngoepe gesê.

Müller het gesê noodpersoneel op die toneel het besluit om die een kritiek beseerde vrou in haar toestand na ʼn hospitaal te vervoer en dan sal die hospitaalpersoneel direk met ʼn helikopter van Netcare 911 reël vir lugvervoer indien nodig.

Ngoepe het verder gesê die motief vir die aanval is in dié stadium nog onbekend.

ʼn Saak van sakeroof word ondersoek hoewel daar volgens Ngoepe nog bepaal word of enigiets tydens die aanval gesteel is.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Die Stem

Ernstige te kort aan die hand hawking van wet en orde in Suid-Afrika!
Die arme mense van die land, ly daaronder.

die wit wolf

Hulle is wreed aangeval en vir dood agtergelaat en die belaglike polisie ondersoek n’ klag van SAKEROOF? Wat van n’ saak van poging tot MOORD?

Johann cb

Ek sou tog graag wou weet wié werklik agter al hierdie plaasaanvalle is! Dit kom lankal voor of dit goed georganiseer is!

RiaCr

Dis hoekom ek elke dag stres oor n inkomste….Na ek deur 2 pogings tot “hi-jackings” is, een N1 rigting Noord by New Road en een net voor N4 rigting Krugersdorp en 2 pogings tot gewapende rowe waar wapens op my gerig is en ek gedink het is my einde kry ek angsaanvalle as meer as 2 mense in n winkel instap. So wat maak jy..koop en verkoop tweedehandse goed maak alleen reg en verkoop om nie weer deur daai hel te gaan nie en leef van peanuts….

PJC

Dit raak al hoe meer duidelik dat hierdie plaasaanvalle deur iemand aangemoedig word en ongelukkig is sommige mense baie blootgestel. As jy moet werk kan jy nie 24 uur van die dag agter tralies skuil nie.