Tweede roufase vir Mandela gehou

Nelson Mandela

Nelson Mandela

Oud-president Nelson Mandela se familie het oor die naweek met ʼn tweede roufase by die koninklike huis in Qunu in die Oos-Kaap begin, het The Sowetan Maandag berig.

“Ons is tevrede dat alles goed verloop het. Alles is behoorlik uitgevoer en die seremonie was vreedsaam,” het Daludumo Mitrara, die koninklike huis se woordvoerder, gesê.

Mitrara het gesê die rouseremonie is hoofsaaklik deur familielede bygewoon. Dit sluit sy weduwee, Graca Machel, sy kleinseun, Mandla Mandela en sy voormalige vrou Winnie Madikizela-Mandela, in. “Dit sou onbehoorlik gewees het om die seremonie te hou as hulle nie daar was nie,” sê Mitrara.

Die derde fase van rou duur tot Junie wanneer Machel die rouproses sal beëindig. Mandela se rouproses is van een jaar na ses maande verminder.

Mandela is in Desember in die ouderdom van 95 by sy huis in Houghton, Johannesburg, dood. – SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

3 Kommentare

jongste oudste gewildste
Huisvrou

Van een jaar na ses maande verminder…. Hoekom?

Omdat die jaar rouproses straks dan klaarmaak en dit ongehoord is om 18 maande te rou in die tradisie….???

Hoekom sou die rouproses van so ‘n “belangrike staatsman” sonder enige verduideliking net verkort word?
Dit maak nie sin nie!

Jasper

Ek het ook nie geweet dat mens in fases rou nie.