Unisa-betogings in Durban

Unisa-studente betoog Foto: ecr.co.za

Unisa-studente betoog Foto: ecr.co.za

Die polisie moes Donderdag van rubberkoeëls en pepersproei gebruik maak om betogende studente by die Universiteit van Suid-Afrika se kampus in Durban uit mekaar te dryf.

Die studente betoog teen die sluiting van eksamensentra en aansoekfooie wat studente moet betaal wanneer hulle inskryf.

Robert McKenzie, woordvoerder vir die nooddienste in KwaZulu-Natal, het gesê paramedici het een persoon op die toneel behandel wat met ʼn rubberkoeël beseer is en nog ʼn pasiënt wat met pepersproei gespuit is.

Prof. Mandla Makhanya, visekanselier van die universiteit, het met die studente gepraat en gesê hy sal met die Verteenwoordigende Studenteraad vergader, maar die betogers het dit verwerp en geëis dat die vergadering buite Unisa se perseel gehou word waar hulle teenwoordig kan wees.

“Hy het al vantevore met hulle [die VSR] vergader en hulle toe ontbind,” het een van die studente, wat anoniem wou bly, gesê. “Hy moet hier hulle eise aanspreek.”

Die betogers het uiteindelik verdaag nadat een van die studente oor ʼn luidspreker aangekondig het Makhanya sal Maandag met hulle op die kampus vergader.

Martin Ramotshela, woordvoerder vir Unisa, was nie dadelik beskikbaar vir kommentaar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Andre

Hierdie is nou sommer twak! Dit wat hier en by ander universiteite gebeur, is niks anders as georkestreerde pogings om opleiding te ontwrig nie. Wie de duiwel is hierdie minderheidsgroepe om groot instellings te wil kaap met hulle belaglike eise? Tree op teen hulle en hou op om hulle twak te wil akkommodeer.

Ys

As dosent aan ‘n bekende tersiêre instelling sit ek al hoe meer terug in my hoek en beskou die sirkus. Dit sou seker snaaks gewees het as dit nie so inherent hartseer is nie. Want opvoeding strek nie net akademies nie. Die banale barbaarse optrede getuig van ‘n gebrek aan ander, beslis meer waardevolle, opvoeding as slegs boeke-kennis. En ek pak my boeke op, want terwyl my studente probeer toets skryf protesteer die een of ander drukgroep luidkeels buite. Cry, the Beloved Country.

Kaspaas

Kultuur van ek wil he, ek wil he en ek sal niks betaal en as ek nie kry sal ek breek en steel. “Proudly South African”

Kobus

stem saam Andre , n goddelose en chaotiese regering bring goddelose en chaotiese volgelinge na vore, ons moet maar bid, ons gevoelens verbeter nie die situasie nie

Brian

Arthur Keppel-Jones het reeds in 1947 in sy boek” When Smuts goes’ ‘ n voorspelling gemaak mbt die anc regering; Hy het voorspel: The return to barbarism. Dis wat ons nou sien.