Verkiesing 2019: Onluste is grootste bedreiging, sê SAPD

Argieffoto (Foto: Motshwari Mofokeng/African News Agency/ANA)

Onrus in gemeenskappe is die grootste bedreiging vir die algemene verkiesing op 8 Mei, het die topbestuur van die SAPD Dinsdag aan LP’s gesê.

Genl.maj. Zeph Mkhwanazi het aan die polisie se portefeuljekomitee gesê ʼn bedreigingsassessering deur die SAPD voor die verkiesing het op gemeenskapsbetogings, kwessies met afbakening, geweld in die openbarevervoerbedryf, studentebetogings en politieke konflik gedui.

“Die grootste bedreiging vir die verkiesing is die onrus wat deur verskillende kwessies veroorsaak word wat strek van water, behuising en paaie. Ons ondersoek dié kwessies. Ons het ʼn gebeurlikheidsplan,” het Mkhwanazi gesê.

Volgens hom word die gemeenskapsbetogings hoofsaaklik in Gauteng, KwaZulu-Natal, die Oos-Kaap, Mpumalanga, die Wes-Kaap en Noordwes verwag.

Altesaam 81 938 polisiebeamptes sal voor en ná die verkiesing ontplooi word. Reserviste sal ook ontbied word om bystand te lewer. Nasionale reaksiespanne en die Suid-Afrikaanse Nasionale Weermag sal ook op bystand wees.

Die SANW en rampbestuurspanne sal ook ontplooi word as beurtkrag geïmplementeer word en dit ʼn bedreiging inhou vir die stembusse. Lt.genl. Fannie Masemola, adjunk-polisiekommissaris, het aan LP’s gesê kragopwekkers sal saam met die Onafhanklike Verkiesingskommissie in gebruik geneem word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Johan

Onluste het nou die nasionale tydverdryf geword. Die nommer 1 sports!

Andreas

1976 1976 1976 1976

Johanna Botha

Die polisie is so useless dat hulle elke liewe persoon se veiligheid bedreig omdat hulle nie weet wat hulle doen nie en dit net n JOB is ….

willie

ñ noodtoestand gaan al CR se probleme oplos! geen verkiesing sonder krag en ñ verloor!

Kolle

Nou hoekom in die lewe sal Limpopo provinsie uitgesluit wees? Dit gaan hier vrolik in die onderskeie gemeenskappe soos dit brand en dans.