Vermeende plaasaanvaller vasgetrek

Die vuurwapen wat in een van die verdagtes se besit gevind is. (Foto: Heritage Protection Group)

ʼn Vermeende plaasaanvaller en ʼn tweede verdagte is Donderdag deur die polisie, lede van AfriForum se Marble Hall-buurtwag en lede van Heritage Protection Group (HPG) vasgetrek.

AfriForum sê in ʼn verklaring daar word vermoed dat een van die verdagtes vroeër by ʼn plaasaanval in die omgewing betrokke was aangesien ’n vuurwapen wat tydens dié aanval gesteel is, in sy besit gevind is.

Die boer in die betrokke aanval, wie se naam weens veiligheidsredes weerhou word, is erg aangerand tydens dié plaasaanval in April vanjaar en daar is op sy gesin geskiet. Die plaasaanvallers het onder meer vuurwapens geroof, waarvan een nou teruggevind is.

Luidens die verklaring volg die twee se inhegtenisneming op inligting wat ingewin is en ’n goed beplande klopjag deur die AfriForum-buurtwag, HPG en die polisie. Gesteelde goedere, wat vermoedelik tydens ander plaasaanvalle en huisbrake gebuit is, is ook teruggevind.

Bertus Homan, AfriForum se veiligheidsvoorsitter van die Marble Hall-tak, sê hierdie is ’n goeie voorbeeld van wat bereik kan word as gemeenskapsveiligheidsorganisasies goed saamwerk om die gemeenskap by te staan en om ’n gesamentlike doelwit te bereik.

“Dit is vir ons as buurtwag uiters belangrik om saam met ander organisasies en die polisie te werk om ons gemeenskap te beveilig. Ons kan duidelik ’n groot verskil sien waar ons saamstaan en mekaar ondersteun. Ons sal verantwoordelikheid vat vir ons eie veiligheid en om ons mense te beskerm,” sê Homan.

Llewellynn Hemmens, AfriForum se assistentveiligheidskoördineerder van gemeenskapsveiligheid vir die Noordstreek, het op sy beurt mense aangemoedig om betrokke te raak by veiligheidstrukture in hul omgewing sodat dié strukture uitgebrei kan word. “Hoe meer mense betrokke raak, hoe meer suksesse kan behaal word. Op hierdie manier kan ons ’n vry en veilige toekoms vir ons gemeenskappe bewerkstellig,” sê Hemmens.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Koos

Die oomblik wanneer nie-regeringsorganisasies betrokke raak, volg positiewe resultate.

Mooi so!

Wys jou net wat kan gedoen word.

Pieter du plessis

Dankie Afriforum ons weet wie was verantwoordelik vir die ondersoek en die arrestasies, en ons weet ook sou dit vir die polisie gelos was sou die aanvallers seker nooit opgespoor word nie.

pan

Ek is bly Afriforum begin om die mense veilig te hou maar ek weet nie of dit so goed is om saam met die polisie te werk nie,kan mens hulle vertrou?

? leser

GOOD SHOW, dankie afriforum, hpg en ander wat betrokke was om die skurke vas te trek, meer sulke aksies sal meer vertroue inboesem by gemeenskappe
suutjies, laat die polisie maar verder slaap

Boerboel

Stem saam Koos.
Dankie Agri forum