Twee vermeende veediewe verskyn na verwagting Maandag in die landdroshof op Groot-Marico nadat hulle die naweek betrap is waar hulle glo van die gesteelde vee verkoop.
Lt.kol. Amanda Funani, polisiewoordvoerder, sê die twee – onderskeidelik 23 en 48 jaar oud – is Vrydag in die vroeë oggendure aangekeer nadat hulle naby Pella in die besit van die gesteelde vee gevind is.
Die polisie het toegeslaan ná ʼn wenk dat die twee glo die diere probeer smous.
Hulle het die polisie ook na ʼn plaas geneem waar 11 Bonsmara-kalwers met ʼn waarde van sowat R90 000 in ʼn kraal gevind is.
“Die voorlopige ondersoek dui daarop dat die kalwers vermoedelik Donderdagaand op ʼn plaas in die Groot-Marico-omgewing gesteel is,” sê Funani.
Die twee staan tereg op ʼn aanklag van veediefstal.
Die polisie van Groot Marico doen hulle deel, die probleem is gewoonlik die staatsaanklaer wat mense vry laat agv te min bewyse, of een of ander verskoning. Dit veroorsaak moedeloosheid by almal. Mense meld nie eers meer sake aan nie agv die probleem.
Ai …arme boere