Die Universiteit van Kaapstad. (Argieffoto)
Die Universiteit van Kaapstad (UK) het Sondag bevestig dat hulle die verslag van die onafhanklike paneel van ondersoek na sake rakende bestuur by die UK ontvang het.
Die verslag is Saterdag deur die raad se vergadering uitgereik en volg op die besluit in Oktober verlede jaar om ʼn onafhanklike paneel – wie se werk in Januarie 2023 begin het – te stig.
Elijah Moholola, woordvoerder van die UK, sê die raad spreek sy waardering uit aan die paneel vir die gedetailleerde en belangrike werk wat hy gedoen het, en is vol vertroue dat die verslag ʼn deurslaggewende stap is om die raad by te staan om die bestuur van die universiteit te versterk.
“Die inhoud van die verslag en die aanbevelings daarin word nou deur die raad oorweeg en sal op ʼn verdere vergadering – wat binnekort belê sal word – bespreek word.”
Moholola sê totdat die inhoud en aanbevelings van die verslag volledig oorweeg is, het die raad besluit dat die verslag vertroulik sal bly.
“Ons verstaan dat baie van die universiteit se belanghebbendes verwag om meer volledig hieroor ingelig te word. Die raad onderneem dus om die nodige stappe te doen om verdere besonderhede te verskaf sodra dit gepas is om dit te doen.
Baie om toe te smeer!
Ek kan nie verstaan dat daar nie ‘n onsfhanklike Party is om die verslag bekend te maak.
Jy kan nie kamtig onafhanklike onddrsoek laat doen en dan self daaroor besluit nie.
So kan die Raad self besluit wat word bekend gemaak
en wat word ” vergeet”
Hoekom is alles altyd vertroulik, of geheim, of “top secret” of “for presidents eyes only.” Ek lees dit soe, dat as ietsie soe gemerk is dan is daar groot gelieg of gevroetel wat aangaan soos met die LadyR.