Video: Liedjie moedig mense aan om plase af te brand

Skermskoot uit die video

Skermskoot uit die video

Die musiekvideo van ʼn nuwe liedjie deur die kunstenaar, Dookoom word Sondag vrygestel waarin hy baie erge kru taal gebruik en sy luisteraars aanmoedig om plase af te brand.

Dookoom se kletsrymlied, “Larney jou p***”, begin met die volgende lirieke:

Farmer Abrahams had many farms,
and many farms had farmer Abrahams,
I work one of them and so would you,
So let’s go burn ‘em down.

Ernst Roets, adjunk uitvoerende hoof van AfriForum, het aan Maroela Media gesê alhoewel vryheid van spraak een van die steunpilare van demokrasie is, is daar in Suid-Afrika beperkings op hierdie reg, aangesien rassekonflik en maatskaplike kohesie nog nie in die land gevestig is nie. “Die reg tot vryheid van uitdrukking kan nie oorlog propageer, haatspraak bevat of geweld aanhits nie,” het Roets gesê.

Dookoom verwys in die lied ook na Jan van Riebeeck as ʼn “skollie” wat saam met ʼn “veroordeelde bemanning” in die land aangekom het.

Roets sê die kunstenaar het uiteraard die reg om sy woede oor politieke kwessies deur sy musiek uit te druk. “Hy het selfs die reg om homself te verneder deur ʼn reeks growwe onwaarhede oor ons verlede te verkondig, maar die feit van die saak is die lied is ʼn oortreding van die Wet op die Bevordering van Gelykheid en Voorkoming van Onbillike Diskriminasie en sy uitlatings word nie deur die grondwet beskerm nie,” het hy bygevoeg.

“Terwyl hierdie persoon geld probeer maak deur populisme, word ʼn buitensporige hoeveelheid boere inderdaad vermoor en gemartel, soos wat die Menseregtekommissie tans in hul verhoor oor plaasmoorde aangehoor het,” het Roets gesê. “AfriForum beplan om stappe te doen teen die sogenaamde ‘kunstenaar’.”

Roets het bygevoeg hy hoop die bruin gemeenskap sal ook standpunt inneem om die persepsie, dat een individu namens ʼn groep mense kan praat, te voorkom.

WAARSKUWING: Teen die tyd wat Maroela Media hierdie video oplaai, is dit nog slegs ‘n klankgreep van die video. Die video gaan op 12 Oktober 2014 deur die loop van die dag beskikbaar gemaak word en hierdie skakel bevat moontlik dan die volledige musiekvideo. Maroela Media het reeds die volledige lirieke onder oë gehad en kan bevestig dit is uiters kru en kan sensitiewe luisteraars en kinders ontstel.

http://youtu.be/nTfT3DsT6aU

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Elizabeth

Ag tog mense moet dit asb nie kyk nie – anders dink hy net hy is ‘n wenner as so baie mense na sy gemors kyk. Ignoreer hom – hy wys maar net sy “klas” en opvoeding (as daar so-iets ter sprake is) en verdien nie eers ‘n oogknip nie. In sy geval behoort die woord “kunstenaar” ook nie eers gebruik te word want dit is hy klaarblyklik NIE.

Marco Pretorius

Dit is mos nou sowaar onaanvaarbaar.

Estelle

dit kan mos nooit toegelaat word nie!!
Hoe stop mens dit!!

Jasper

Dit wat hierdie eenbreinsellige gemors verkondig gaan kom. Dit is net n bewys dat van 1652 af, alle pogings om sy soort op te hef n mislukking en groot fout was. Boere moet eensgesind en paraat wees.

grassie

Baie mense, veral wit liberales, skop ‘n hewige kabaal op as iemand dit net waag om Die Stem te sing maar ek is seker hulle gaan swyg soos die graf oor hierdie vieslike, rassistiese lied. Ek wonder of Kyknet nou oor hierdie satanslied ook ‘n debat gaan voer soos hulle oor Die Stem gedoen het. Ek glo nie.