Vier ontsnap uit aanhouding

Neverdie Dyayani Baloyi

Die polisie in Hoedspruit in Limpopo het ʼn reusesoektog van stapel gestuur ná vier verhoorafwagtende gevangenes Sondag uit aanhouding ontsnap het.

Die vier mans het die middag deur die dak uit die aanhoudingselle by die Hoedspruit-polisiestasie ontsnap, het brig. Motlafela Mojapelo, woordvoerder van die polisie, gesê.

Die vier verdagtes is Jacky Frans Sekgobela (41), Neverdie Dyayani Baloyi (39), Vanrooi Pompi Khosa (36) en Wilson Letebele (31).

Volgens Mojapelo is die verdagtes baie gevaarlik. Mense moet dus nie probeer om hulle self vas te trek indien hulle gewaar word nie, maar eerder onmiddellik die polisie ontbied.

Sekgobela is op aanklag van huis- en sakeroof in hegtenis geneem. Hy word daarvan beskuldig dat hy talle misdade in Limpopo en Mpumalanga gepleeg het. Baloyi is op aanklagte van moord, verkragting, huis- en sakeroof in hegtenis geneem en word as uiters gevaarlik beskou.

Khosa staan op twee aanklagte van huisbraak en diefstal tereg terwyl Letebele in hegtenis geneem is vir huisbraak en -roof.

Mojapelo het gesê ʼn saak van ontsnapping uit wettige aanhouding word ondersoek. “Daar is ook ʼn ondersoek begin na die omstandighede rakende die voorval.”

Enigiemand met inligting wat kan lei tot die inhegtenisneming van die verdagtes word versoek om lt.kol. Rhulani Mabasa by 082 565 8253, kapt. Cobra Moriri by 082 573 4773, of Stop Misdaad by 08600 10111 te bel.

Die polisie het drie van die verdagtes se foto’s beskikbaar gestel. ʼn Foto van Letebele was nie onmiddellik beskikbaar nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Db

Net om daardie gesigte te sien spreek boekdele.

Maljan

Teen watter muur het die eerste BEWEERDE ONTSNAPPER vasgeloop?

Andre

As jy in hulle vasloop IS daar net een ding om te doen..

Hagar

Ek kan dit nog nooit verstaan dat gevangenis deur n dak kan breek en nie gehoor word nie.

JK

Waars die 4de een