Vier trougaste sterf in Noord-Kaap-ongeluk

Argieffoto (Foto: africanreservations.com)

Argieffoto (Foto: africanreservations.com)

Vier mense is Saterdagaand in ʼn ongeluk in Delportshoop in die Noord-Kaap dood nadat hulle van ʼn troue af gekom het.

“Die voertuig het die pad verlaat en gerol,” het ao Mick Mocwane, woordvoerder van die polisie in die Noord-Kaap, Sondag gesê. “Die polisie ondersoek ʼn saak van strafbare manslag en dronkbestuur. Niemand is nog in verband met die voorval in hegtenis geneem nie.”

Altesaam 15 mense het glo in die dubbelkajuitbakkie gery toe hulle van ʼn troue af op pad was huis toe. Sommige van die passasiers het agterop die bakkie gesit.

“Vier mense, insluitend ʼn eenjarige kind, is op slag dood,” het Mocwane gesê. Die bestuurder en 10 ander passasiers is na ʼn hospitaal geneem vir verdere behandeling. -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.