Argieffoto: SAPD/Facebook
Die Suid-Afrikaanse Polisiediens (SAPD) gaan voormalige polisiebeamptes, wat die polisiediens met ʼn skoon rekord verlaat het, werf ten einde die polisie se kapasiteit te verhoog. Voormalige lede met die rang as konstabel, sersant of adjudant-offisier gaan nader gehark word.
Die polisie sê in ʼn verklaring hy het onlangs baie van sy lede weens verskeie redes verloor. Baie polisiebeamptes het die afgelope jaar onder meer afgetree. Dié tekort bestaan veral in gespesialiseerde eenhede, onder meer die eenheid vir gesinsgeweld, kinderbeskerming en seksuele misdrywe en die eenheid vir openbare orde.
Kol. Brenda Muridili, polisiewoordvoerder, sê die voormalige beamptes gaan juis hier ontplooi word, asook in nuut gevestigde eenhede, soos die eenheid vir taxigeweld. ʼn Paar voormalige polisielede gaan ook in moord en roof aangestel word.
Voornemende kandidate moet aan die volgende vereistes voldoen:
- Geslaagde voltooiing van basiese polisie-opleiding en toepaslike funksionele polisie-opleiding (waar van toepassing).
- ʼn Goeie dissiplinêre en bywoningsrekord hê ten tyde van hul diens in die polisie.
- Oor ten minste ʼn graad 12- (senior sertifikaat) of hoër kwalifikasie beskik.
- Oor ten minste ʼn geldige lisensie vir ligte motorvoertuie (kode B) beskik.
- Hom- of haarself aan ʼn mediese ondersoek onderwerp, soos deur die nasionale kommissaris bepaal.
- ʼn Sielkundige evaluering (soos bepaal deur die nasionale kommissaris) ondergaan en bevind dat dit ooreenstem met die profiel van ʼn
- Geen tatoeëermerke hê wat sigbaar sal wees as die persoon ʼn uniform dra nie en nie met die doelstellings van die polisiediens versoenbaar is nie.
- Geen vorige strafregtelike skuldigbevindings en/of hangende strafregtelike dissiplinêre sake hê nie; vingerafdrukke sal ook geneem word sodat agtergrondondersoeke gedoen kan word.
- Nie ongeskik verklaar wees om ʼn vuurwapen te besit nie.
- Bereid wees om ontplooi te word op grond van die behoeftes van die polisiediens. Dit kan insluit dat die persoon op sy of haar eie koste moet verhuis indien ʼn pos nie naby sy of haar huidige woonplek is nie.
- Nie betrokke wees by enige onderneming of aktiwiteit wat onwettig is nie.
- Bereid sal wees om ʼn kursus of enige ander opleiding te ondergaan soos deur die nasionale kommissaris bepaal.
Aansoeke van voormalige lede wat die diens verlaat het omdat hulle die aftree-ouderdom bereik het, ontslaan is weens ʼn oortreding of hangende die afhandeling van ʼn tugverhoor, of die diens verlaat het weens ʼn skeidingspakket sal nie oorweeg word nie. Lede moes die diens ook binne die afgelope tien jaar verlaat het om in aanmerking te kom vir ʼn pos.
Die amptelike aansoekvorms kan op die SAPD se webwerf verkry word. Aansoeke sluit 31 Julie 2020.
HAHA en die korruptes bly inbevel?
Wat op dees aarde is ‘n waarskuwings beampte, is dit nie veronderstel om ‘n adjudant offisier te wees nie? of is dit nou ‘n direkte vertaling van warrant officer
Dagsê Donsie
Dankie vir jou kommentaar. Dit moet inderdaad adjudant-offisier wees. Ons vra om verskoning vir die fout. Die artikel is reeds gewysig.
Dankie! Groetnis
Megan
nms Maroela Media
Moet op eie koste verhuis? Waarheen nogal?
Dalk is dit die enigste manier dat die oud Polisie Lede hulle pension kan kry……Gee hom weer ‘n wapen sodat hy dit self van die publiek kan gaan roof…..
As ek so deur die lys van vereistes lees twyfel ek of huidige polisie lede daaraan voldoen en merk terseflde tyd ook op dat daar geen BEE voorvereiste is, laat mens wonder?
BEE kom ter sprake agter die skerms as kortlyste gedoen word.
Presies wat ek gedink ht…bee sal ingewerk word wanr kleur aansoek doen
Op die oomblik voldoen oor die 90% van die huidige polisie nie aan die vereistes nie.cele hoedjie ingesluit
Hulle kan my maar bel sal nie vir ‘n korrupte offisier werk wat sy werk nie ken.Dit is hoekom ons wat hard gewerk het die SAPD verlaat het.Sterkte
Wonner nou of die korrupte spul wat so uitgevang word die sapd nou verlaat en die covid-19 oes te groot is om die nodige lede te hê… teken van desperate optrede, velkleur is seker op wig en weeg skaal ingestel… wonner ernstig.
Vra eerdie die vraag af hoekom so baie lede bedank?
Eerste rede is die staats se vingers wat in die persioen wil gaan.
Tweede rede, geen of baie min bevorderings moontlikhede.
Ten derdens, geen beskering vanaf hoofde teen rassisme, valse klagtes teen lede, ens.
Vierdens net die helfde van alle lede werk.
Vyfdens, foutiewe/onbevoegde/politieke aanstellings.
Ek kan nog lekker aangaan.
Maroela
Wat van ou MP lede
Alles goeie kriteria, kom ons hou duime styf vas dat dit altyd nagekom gaan word…
Ek is beskikbaar. Was n kolonel en in 1987 op pensioen gegaan. Sal graag my pensioen wil aanvul. Is bereid om as Adj.Off aan gestel te word. Waar doen ek aansoek?
Hier kom dt…alles op papier sodat nt sommiges weer voordeel gan trek…hoe Sal ons weet OF ALMAL GAN VOLDOEN ????
Gaan maar broekskeur gaan om kandidate te kry wat aan al die vereistes voldoen…dink ek….