Kampsbaai (Foto: big10photo.wordpress.com)
Die liggaam van ʼn vrou is Saterdag op die strand in Kampsbaai gevind.
ʼn Verbyganger het die liggaam in die vroeë oggedure op die strand opgemerk en die polisie ontbied.
Dit is egter nie duidelik of dié vonds verbind kan word met die verdwyning van ʼn vrou presies ʼn week gelede in Kampsbaai nie.
Maroela Media het toe berig ʼn middeljarige vrou het verlede Saterdag omstreeks 20:30 in ʼn wit bikini gaan swem, maar ooggetuies het nie gesien dat sy weer uit die water kom nie. ʼn Strandhanddoek, ʼn rok,’n sak met persoonlike besittings en ʼn hoed wat vermoedelik aan die vrou behoort is later op die strand gekry.
Daar was egter niks in die sak wat die vrou kon identifiseer nie.
Ao. Joseph Swartbooi, woordvoerder van die polisie, sê nou die vrou wat vandeesweek op die strand gevind is, is deur paramedici op die toneel dood verklaar. ʼn Geregtelike doodsondersoek word gedoen en die omstandighede rondom haar dood word ondersoek.
Sal mens nou wonder of dit selfmoord, moord of net ‘n ongeluk was.