Kampsbaai (Argieffoto)
Die polisie krap kop oor ʼn vrou wat Saterdag by Kampsbaai in Kaapstad verdwyn het.
Volgens ooggetuies het die middeljarige vrou omstreeks 20:30 in ʼn wit bikini gaan swem, maar hulle het nie gesien dat sy weer uit die water kom nie.
ʼn Strandhanddoek, ʼn rok,’n sak met persoonlike besittings en ʼn hoed wat vermoedelik aan die vrou behoort, is op die strand gekry.
Volgens kapt. FC van Wyk, polisiewoordvoerder, was daar niks in die sak wat die vrou kan identifiseer nie.
“Niemand het haar ook as vermis aangemeld nie,” sê hy.
Craig Lambinon, woordvoerder van die Nasionale Seereddingsinstituut (NSRI), sê die NSRI se Bakoven-bemanning is omstreeks 23:00 na die strand ontbied waar hulle die polisie met ʼn soektog na die vrou gehelp het.
“Tot op hede is daar nog geen teken van die vrou nie,” sê Lambinon.
Enigiemand met meer inligting oor waar die vrou haar bevind, kan die Kampsbaai-polisiestasie by 021 437 8150 of die Stop Misdaadnommer by 08600 10111 skakel, of die NSRI se noodnommer by 087 094 9774 skakel.
Dit klink nie goed nie wat kan n mens verder verwag in SA rakende ontvoerings.Hoop nie dit speel in n hartseer situasie af nie.
wie gaan swem in die see 20:30?
Nie ek nie
Presies son sak daar ongeveer 20h00 saans
Mense wat kan, maw mense wat by die see woon of bly op daai stadium.
As kinders het ons gereeld na sononder in die see geswem. Beslis nie ‘n rare verskynsel nie.
Dit is somer hier, en teen 21:00 is daar nog meer as genoeg lig om te gaan swem…
Soos Ingrid Jonker in die nag van 19 Julie 1965. Tragies. RIV
Ingrid Jonker se gees.. Snaaks, ek het ook eerstens aan haar gedink.
Daar is talle dinge wat kon gebeur het.Is daar voetspore.Hulle het haar sien in die see ingaan maar nie sien uitkom nie.Het sy verdrink,is sy ontvoer en lewe dalk nog of ‘n haai aanval.
Nie ‘n goeie teken nie…. Wonder wat het v haar geword