ʼn Vrou is Sondagoggend uit die motorwrak van haar ligte voertuig gesny nadat die motor verskeie kere op die N1 in Centurion gerol het. Die ongeluk het gebeur toe die vrou se sedan teen ʼn ligte afleweringsvoertuig gebots het.
Die ongeluk het naby die John Vorster-brug plaasgevind. Emer-G-Med is omstreeks 10:00 na die toneel ontbied.
Met nooddienswerkers se aankoms op die toneel was die vrou in die motorwrak vasgekeer.
“Sy moes eers van gevorderde lewensondersteuning voorsien word om haar te stabiliseer, voordat lewensreddende toerusting gebruik is om haar uit die wrak te bevry,” het Kyle van Reenen, woordvoerder vir Emer-G-Med, gesê.
Die vrou is met ʼn ambulans na ʼn nabygeleë hospitaal vervoer. Die omvang van haar beserings is nie bekend nie.
O wee die gesang is uit!
En wie was die skuldige party, sal nooit erken word nie.
Die nuus is net moord en doodslag wat gaan op die paaie aan?Geen lisensies geen bestuursvernuf of wat sal julle se.Wette loosheid?