(Argieffoto: Miguel Roberts/AP)
Die vyfjarige dogtertjie wat deur haar sesjarige boetie met ʼn vuurwapen in die kop geskiet is, het gesterf.
Die dogtertjie is Donderdagmiddag ná die voorval in ʼn kritieke toestand na ʼn plaaslike hospitaal in Bethelsdorp, Oos-Kaap, gehaas vir verdere mediese behandeling. Sy het in die hospitaal aan haar skietwond beswyk.
Maroela Media het vroeër berig drie kinders, die seun, sy sussie en nog ʼn seun, het tussen 13:00 en 14:00 in ʼn vertrek in ʼn huis in Uitbreiding 31 in Bethelsdorp gespeel toe die voorval plaasgevind het.
Hulle het met ʼn .38-rewolwer gespeel toe dit glo per ongeluk afgegaan en die dogtertjie in die kop getref het.
Volgens kol. Priscilla Naidu, polisiewoordvoerder, was die vuurwapen met die polisie se aankoms op die toneel nêrens te vinde nie.
ʼn Saak van regsverydeling word ondersoek.
Nog aanklagte en inhegtenisnemings kan volg namate die ondersoek ontvou.
Ai, dit is nou baie hartseer.
RIV. Jammer vir die gesin! Maar dit is defnitief nie ‘n geldige vuurwapen nie. Anders sou dit nie verdwyn het nie.
Ek wonder waar is my kommentaar heen? Seker maar in die asdrom ( delete )
Genade, het ouers geen verantwoordelikheid meer nie.