Waterbeperkings vir Tshwane

Inwoners word gewaarsku om water spaarsaam te gebruik. (Foto: Unsplash)

Alle gebiede in die Tshwane-metro is met onmiddellike inwerkingstelling onderhewig aan fase 1-waterbeperkings.

Weens ʼn daling in reservoirvlakke het Rand Water aanvanklik drie gebiede in die metro op fase 3-beperkings geplaas. Die streke het ingesluit buurte in die noordweste van die stad, waaronder Ga-Rankuwa, Mabopane en Rosslyn.

Dit is Donderdag uitgebrei tot ʼn fase 1-beperking vir die hele Tshwane-metrogebied.

Die Tshwane-metro sê die aanvanklike waterbeperkings in die drie gebiede is ingestel om te keer dat die hele verspreidingsnetwerk in duie stort en was die enigste werkbare opsie.

“Die metroraad herhaal sy oproep aan alle inwoners om waterverbruik te verminder. Inwoners word ook herinner dat die waterbeperkings wat vantevore in werking gestel is in ooreenstemming met munisipale verordeninge oor water nooit herroep is nie en steeds van krag is,” sê Lindela Mashigo, woordvoerder van die Tshwane-metroraad.

Inwoners mag onder meer nie tussen 06:00 en 18:00 hul tuine met ʼn tuinslang of besproeiingstelsel natlei nie, voertuie mag nie met tuinslange of hoëdrukstelsels gewas word nie en swembaddens mag nie opgevul word nie.

“Die stad doen ʼn beroep op almal om saam ʼn poging aan te wend om waterverbruik te verminder deur by die waterbeperkings te hou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Johann

NOG n ANC Legacy van absurde onbesonne onbevoegdheid!!!!!!! Bloot geen vermoë om te beplan of vooruit te dink nie.

Stefaan

As hulle al die pype wat lek reg maak sal daar nie ‘n probleem wees nie.

Jasper

Die infrastruktuur moet aangepas word met die aanwas van die populasie daar moet nie water beperking wees nie maar geboorte beperking moet gepromoveer word.

Elmarie

Snaaks dat die stadsraad water laat spuit vir meer as twee dae waar die waterpype deur Fiber mense stukkend gekap word. Mens kan maar rapporteer tot jy blou is en hulle steur hulle nie daaraan nie.

JohanR

Piet – En die DA moet probeer om jare en jare van ANC gemors regering in Pretoria eers te probeer reg maak, voor hulle eers kan begin om te regeer. Soos Ma vat in die huis instap reg om met aand ete te begin, dan sien sy dat Pa het middag ete gemaak vir homself en die kombuis net soe gelos. Nou moet Ma eers die kmbuis aan die kant kry nog voor sy met aand ete kan begin. Soe in die gaval is aand ete ‘n uur later. In die DA/ANC geval is aandete seker oor die 20 jaar… Lees meer »