Zuma aan Maimane: ‘Ek het nooit oor Nkandla gejok nie’

President Jacob Zuma reageer op vrae in die parlement op 17 Mei 2016 Foto: Ntswe Mokoena

President Jacob Zuma reageer op vrae in die parlement op 17 Mei 2016 Foto: Ntswe Mokoena

Pres. Jacob Zuma het Dinsdag aan die Parlement gesê hy het nog nooit oor die finansiering van sy privaat Nkandla-huis gejok nie, en verdere vrae van die Demokratiese Alliansie van die hand gewys.

Maimane het tydens die kwartaallikse presidensiële vraag-en-antwoordsessie in die Nasionale Vergadering die president daaraan herinner dat hy aan die Kamer gesê het die regering het nie vir sy huis betaal nie, en dat dit deur ʼn banklening gefinansier is. Hy het daarop gewys dat die hofuitspraak in Maart bevestig dat Zuma gejok het.

Die konstitusionele hof het beslis dat Zuma die staat moet terugbetaal.

“Ek moet aan die eerbare lid sê dat ek nie gelieg het nie, en jou vraag is doelbewus só gestel dat dit ʼn sluier plaas oor die ware situasie,” het Zuma reageer. Hy het bygevoeg hy het reeds in 2005 met aanbouings by sy huis begin toe hy nog adjunkpresident was, en dat nóg die hof, nóg die openbare beskermer, sy stelling – dat sy familie, en nie die staat nie die huis gebou het – onwaar gevind het.

“Ek het begin mat aanbouings by my huis toe ek adjunkpresident was, nie president nie… teen die tyd wat ek president geword het, het die geboue reeds gestaan, die eerste een dakhoogte; die tweede een op vensterhoogte en die fondasie is gelê vir die derde een. Die regering het kort nadat ek president geword het, met ʼn plan gekom ná daar met die aanbouings begin is.”

Die opposisiepartye het luidkeels hierop gelag en hy het skerp gesê: “Bly net stil en luister, ons het die huis gebou. Die konstitusionele hof het nie gesê ek het gelieg toe ek gesê het die familie het die huis gebou nie. Die openbare beskermer het ook nie so gesê nie.”

Zuma het verduidelik Madonsela het bevind dat vyf items, insluitend ʼn beeskraal en swembad wat deur die regering gebou is, hom en sy familie “indirek bevoordeel” het en dat ʼn redelike bedrag aan die staat terugbetaal moet word.

“Ek het nooit gesê ek het die vyf items gebou waaroor die konstitusionele hof praat nie,” het hy gesê. “Ek het nooit gejok nie.”

Volgens die uitspraak moet die nasionale tesourie binnekort bepaal wat ʼn redelike bedrag sal wees wat die president moet terugbetaal.

Zuma het ook ʼn vraag van die opposisie oor die welgestelde Gupta-familie, wat glo hegte bande met hom het en herhaaldelik probeer het om regeringsbesluite te beïnvloed, verwerp. “Ek weet niks van die sakeonderhandelings van die Guptas of enigiemand nie,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
christine

Hy dink die DA is sy stupid kiesers wat hy kan belieg. Een van die dae gaan hy nog vir hulle dans ook

John

Nog ‘n termyn is oppad. Kry pille mense! Ek praat nie van vitamine-pille nie!

KP

As sy lippe beweeg dan lieg hy.

Braam Perold

Nee JZ , jy praat maar net nie die waarheid nie..

Braam Perold

Nee JZ , jy praat maar net nie die waarheid nie. .