Zuma-spioenasiebande: Uitspraak gelewer

Pres. Jacob Zuma. Foto: Elmond Jiyane, GCIS

Pres. Jacob Zuma. Foto: Elmond Jiyane, GCIS

Die hooggeregshof in Pretoria het Vrydag uitspraak gelewer oor die DA se aansoek om die Nasionale Vervolgingsgesag (NVG) se besluit te hersien nadat 783 strafregtelike aanklagte sewe jaar gelede teen pres. Jacob Zuma laat vaar is.

Die DA voer al ʼn sewe jaar lange stryd om weer die 783 aanklagte teen Zuma in te stel. Volgens die DA was Mokotedi Mpshe, destydse hoof van die NVG, se besluit in 2009 om Zuma, toe net ANC-president, nie te vervolg nie irrasioneel, onredelik en geneem met ʼn versteekte politieke motief.

Mpshe het die saak laat vaar nadat hy na die bandopnames, gesprekke tussen Bulelani Ngcuka, Mpshe se voorganger, en Leonard McCarthy, hoof van die Skerpioene, geluister het. Mpshe was na bewering van mening dat McCarthy die proses vir versteekte doeleindes gebruik het, naamlik ‘n politieke komplot om glo te verhoed dat Zuma staatspresident word.

Adjunkregterpresident Aubrey Ledwaba het Vrydag die eenparige uitspraak deur ʼn volbank regters voorgelees en begin met ʼn lang opsomming van die gebeure tot dusver. Die regters het bevind dat Mpshe onder druk was en gevolglik besluit het om Zuma nie te vervolg nie.

“Die hof bevind dat die besluit van 1 April 2009 om die saak te laat vaar, irrasioneel was en tersyde gestel moet word. Zuma moet tereg staan op die aanklagtes soos uiteengesit in die akte van beskuldiging.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
indigogirl

Wonderlik!

Poplap

En nou van die een Apelhof na die volgende…

Chrissie

He he he he!! Hoe gaan die gesegde ou Zumpie?? Wie laaste lag lag die lekkerste. Jy lag mos altyd eerste!

Tiger

Ag hy sal net ‘n tik op die fingers kry en gese word om dit nou nie weer te doen nie!Hier gaan dadels van kom!

Mariaan

Wens ek was ‘n vlieg teen die muur om ou Zuma se reaksie te sien. Natuurlik alweer besig met ‘n volgende gekonkel om hom te verontskuldig.