Superglue-gom in plaas van lipglans gebruik

ʼn Vrou van Dunedin in Nieu-Seeland het per ongeluk haar lippe aan mekaar geplak toe sy Superglue-gom in plaas van lipglans gebruik het.

Die polisie het Donderdagaand net voor middernag ʼn oproep ontvang, het die Otago Daily Times Vrydag berig. “Dit het geklink of iemand die vrou se mond toegebind het of dat sy moontlik ʼn mediese toestand onder lede het,” het senior sersant Steve Aitken, woordvoerder vir die Dunedin-polisie, gesê. “Sy kon slegs grom”.

Die 64-jarige vrou het glo in die donker die gom in plaas van die lipglans gebruik. Sy is na die hospitaal in Dunedin geneem waar mediese personeel haar bygestaan en later ontslaan het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.