Vermiste pa en seun se vliegtuigwrak opgespoor

Bryan en Rob Simms Foto: Facebook

Bryan Simms en sy seun Robert, wat al sedert 28 Oktober vermis word, se vliegtuigwrak is Maandagmiddag opgespoor.

Die Simms-gesin het Maandagmiddag verneem dat ʼn plaaslike inwoner die wrak in Mosambiek opgespoor het. Beide mans is op slag dood. Volgens die Facebook-groep, Bryan and Rob Simms, wag hulle steeds op positiewe identifikasie. “Die ondersteuning, hoop en liefde wat ons van julle almal gekry het, het ons deurgedra sedert die soektog op 28 Oktober begin het. Ons versoek dat julle die gesin se privaatheid in hierdie tyd sal respekteer,” het die blad aangekondig.

ʼn Roudiens sal Vrydag gehou word.

Bryan Simms en sy seun Robert word sedert Sondag 28 Oktober vermis nadat hulle vliegtuig by Lanseria-lughawe moes land. Die laaste kontak met die Beechcraft Baron-vliegtuig was terwyl dit oor Mosambiek se afgeleë noordwestelike gebied gevlieg het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

mina ·

Dit hartseer van die vliegtuigongeluk is net bly die liggame is gekry nou kan familie asked neem . Bid vir hulle.

Petro Doman ·

Dis baie hartseer. Maar dit sal die familie nou afsluiting gee en hulle kan behoorlik afskeid neem.

LILLY DE BEER ·

Baie sterkte vir die gesin in die tyd! Dis baie hartseer maar nou kan julle berusting vind en vrede maak.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.