‘n Vragmotor het Vrydag in sewe stilstaande motors in Upper Walestraat, Kaapstad, vasgejaag.
Volgens verkeersbeamptes het die vragmotor se remme nie gewerk nie, berig EWN. Niemand is ernstig beseer in die ongeluk nie. Merle Lourens, woordvoerder vir die departement van verkeer in Kaapstad, sê beamptes is steeds op die toneel. “Die passassier in die vragmotor het geringe beserings opgedoen,” het Lourens gesê.
