ʼn Vrou se halfnaakte liggaam is in ʼn rivier naby Northam in Noordwes opgespoor.
“Tieners wat visgevang het, het Maandagoggend op haar liggaam afgekom,” het sersant Philani Nkwalase, woordvoerder van die polisie in Noordwes, gesê. “Sy het slegs ʼn donkerblou blommetjiesbloes aangehad en haar bene en arms is met ʼn plastiektou vasgebind,” het hy gesê.
Die vrou, vermoedelik tussen 25 en 30 jaar oud, is verkrag en verwurg voordat haar liggaam vroeg Maandagoggend in die rivier gegooi is.
Volgens Nkwalase het die vrou ʼn ligte vel en swart, skouerlengte haarverlengstukke.