37 dood, meer as 1 100 beseer in nuwe Nepal-aardbewing

Bendula-basaar in Katmandoe, Nepal (12 Mei 2015) Foto: @allengula via @NepalPhotoProject, Instagram

Bendula-basaar in Katmandoe, Nepal (12 Mei 2015) Foto: @allengula via @NepalPhotoProject, Instagram

Nepal se departement van binnelandse sake het bevestig minstens 37 mense is dood ná Dinsdag se groot aardbewing in dié land.

Die departement het gesê minstens 1 129 persone is beseer en word by verskillende hospitale behandel.

Meer as 8 000 persone is reeds in die land dood ná ʼn groot aardbewing op 25 April. Minstens 17 000 mense is beseer.

Dinsdag se aardbewing het 7.3 op die momentmagnitudeskaal gemeet.

Volgens die ministerie is soek- en reddingspanne reeds ontplooi.

Besonderhede van infrastruktuurskade in die verskillende streke moet nog bepaal word.

Lees alle vorige berigte oor Nepal op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae