Is dit ʼn haai? Seegras? Dalk ʼn serp? Nee, dit is ʼn luislang om ʼn branderplankryer se nek.
Die Australiese owerhede was egter allermins dik van die lag nadat beeldmateriaal van ʼn branderryer aan Australië se Goudkus – met ʼn luislang om sy nek – op sosiale media versprei is.
Die branderryer is met AUS$2 322 (sowat R28 500) beboet omdat hy nie ʼn permit gehad het om die slang in die openbaar rond te karwei nie.
“Om hierdie dier in die openbaar uit te neem, vereis ʼn afsonderlike permit,” het Queensland se departement van omgewing en wetenskap Maandag gesê.
“Slange is natuurlik koudbloedige diere en terwyl hulle kan swem, vermy reptiele oor die algemeen water. Die luislang sou die water as uiters koud ervaar.
“Die enigste slange wat in die see hoort is seeslange.”
Partykeer dink mense net nie
Ek is ‘n groot voorstaander van beskereming en misbruik voorkoming, veral as mense diere en baie jong kinders op b. v Youtube “gebruik” om geld of ander vorme van vergoeding (roem) uit hulle te maak.
Ja hy kon teminste vir die slang sy eie tuisgemaakte branderplank met ingeboude verwarmer en nommerplaat wat permit nommer vertoon gebruik het.
Verwarmer vir ‘n reptiel wat koelbloedig is
Lag ek nou lekker.
Ek is seker daar is “down under” iets regtig, tragies verkeerd.
Miskien is dìt wat hulle van ‘up here’ sê.