Sommige Britse supermarkte is genoop om beperkings in te stel op die aankoop van sekere vrugte en groente nadat die onlangse weerstoestande in onder meer Afrika tot “verkrygingsuitdagings” gelei het.
“Moeilike weerstoestande in die suide van Europa en Noord-Afrika het die oes van sekere vrugte en groente, waaronder tamaties en soetrissies, ontwrig,” sê Andrew Opie van die British Retail Consortium.
Produsente en verskaffers in Marokko het die afgelope paar weke ongunstige toestande – koue temperature, swaar reën en oorstromings – aangemeld wat die produkvolumes van uitvoere beïnvloed het.
Die slegte weer, wat ook boere in die suide van Spanje geraak het, het daartoe gelei dat veerbote gekanselleer moes word wat gevolglik die verskaffingsprobleme vererger het.
ʼn Woordvoerder van Asda, een van die VK se voorste supermarkte, sê dié supermark beperk klante nou tot drie elk van onderskeidelik tamaties, soetrissies, komkommers, blaarslaai, broccoli, blomkool en frambose.
Opie verwag dat die ontwrigting waarskynlik ʼn paar weke lank sal duur.
Hy het egter sy versekering gegee dat supermarkte in staat is om die voorsieningskettingkwessies te bestuur en tans saam met boere werk om te verseker dat klante toegang tot ʼn wye verskeidenheid van vars produkte het.
Skep geleenthede vit SA boere
ek twyfel met loadshedding want dis nie net die weer wat hier n probleem is vir die boere nie…
DJ, met die swak gehalte van plaaslike groente en vrugte, dink en nie so nie.
Iets ruik nie reg nie. Kunsmatige tekorte om pryse op te stoot?
Ons beurt kom, met n totaal ander oorsaak
Hoekom kos SA Avo’s R25.00?
Agri SA sal jou kan antwoord, maar hulle gaan nie.