Indonesië: Die berg Marapi is bedek met rookwolke tydens ʼn vulkaniese uitbarsting. Die lugfoto is vanuit die Tanah Datar in Wes-Sumatra geneem. (Foto: Adi Prima/AFP)
Verenigde State: Hierdie lugfoto wys huise wat omring is deur vloedwater in Hampton, New Hampshire. Volgens die Hampton-polisie is ʼn noodgeval verklaar weens uiters hoë seegetye en oorstromings. ʼn Storm met sterk winde en swaar reën het vroeg op 10 Januarie deur die noordooste van die land beweeg. (Foto: Lauren Owens Lambert/AFP)
Frankryk: ʼn Beeldhouwerk in die Stravinsky-fontein, wat geskep is deur Jean Tinguely en Niki de Saint Phalle is toe onder die ys tydens ʼn koue dag in Parys. (Foto: Dimitar Dilkoff/AFP)
Switserland: Die Switserse lugmag vlieg oor die berge kort voor die afdraande wedren vir mans tydens die FIS Alpynse Wêreldbeker-skibyeenkoms in Wengen afskop. (Foto: Marco Bertorello/AFP)
Saoedi-Arabië: Pablo Quintanilla, die Chileense fietsryer van die Monster Energy Honda-span, neem aan fase 5 van die 2024-Dakar-tydren deel. Die ren is tussen Al Hofuf en Shubaytah gehou. (Foto: Patrick Hertzog/AFP)
Palestynse gebiede: ʼn Reënboog is sigbaar oor die suidelike Gazastrook, te midde van voortdurende gevegte tussen Israel en Palestynse Hamas-militante. (Foto: AFP)
Verenigde Koninkryk: Mense loop deur vloedwater in ʼn oorstroomde straat in Wraysbury, wes van Londen, nadat storm Henk swaar reën en oorstromings veroorsaak het. (Foto: Daniel Leal/AFP)
