Viëtnam: Hierdie lugfoto wys die Ba Lai-soutvoorkomingsdam wat soutwater (R) en varswater (L) afkeer. Die maand lange hittegolf het ʼn intense droogte in dié land veroorsaak. (Foto: Nhac Nguyen/AFP)
Thailand: Ko Muang Phet, ʼn reuse- wit buffel wat vir 18 miljoen baht (sowat R9 miljoen) verkoop is, poseer vir ʼn foto ná ʼn ontmoeting tussen premier Srettha Thavisin en lede van die Thaise buffeltelersontwikkelingsvereniging. Die ontmoeting het by die regeringshuis in Bangkok plaasgevind waar die premier “die bul by die horings gepak het” toe hy dié ongewone besoeker by sy kantoor verwelkom het. (Foto: Lillian Suwanrumpha/AFP)
Filippyne: Inwoners probeer om vlamme met emmers water te blus nadat ʼn brand in ʼn informele nedersetting in Metro Manila uitgebreek het. (Foto: Jam Sta Rosa/AFP)
Uruguay: Weerlig blits tydens ʼn hewige donderstorm in Montevideo. (Foto: Mariana Suarez /AFP)
Nederland: Sandra Bechtholt, die direkteur van die Keukenhof-blommetuin, en prinses Margriet tydens die opening van die jaarlikse blomme-uitstalling. Die uitstalling vier vanjaar sy 75ste bestaansjaar. (Foto: Robin van Lonkhuijsen/ANP MAG/AFP)
