Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
Ongeveer 300 brandbestryders probeer al sedert Donderdag ʼn massiewe vuur blus by ʼn plastiekfabriek in Moskou, Rusland. Agt brandbestryders het reeds omgekom in dié brand. Foto: AP
Werkers by die skeepsbouwerf in die hawe van Beheira in Egipte wat werk verskaf aan die meeste inwoners van dié streek. Die Rashid-hawe speel ʼn belangrike rol in die skeepsboubedryf in Egipte. Foto: Ahmed Gomaa / Xinhua
Naomi Osaka van Japan deel haar aantekening uit ná die kwarteindstryd van die Pan Pacific-Ope-tennistoernooi in Tokio, Japan. Osaka het Aliaksandra Sasnovich van Belo-Ruslan geklop. Foto: Eugene Hoshiko / AP
Ruiters neem deel aan die ʼn perdewedren tydens die Nadam-skou in Araxan, Mongolië. Boksgevegte, poësiekompetisies en ʼn modeparade is onder meer op die program van dié skou. Foto: Kang Wenkui / Xinhua
Giorgio Armani het sy lente/somer-klerereeks vir 2017 Vrydag in Milaan, Italië, vertoon. Foto: Luca Bruno/ AP
ondersteun maroela media só
Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.