Foto’s bied ʼn blik op die wêreld wat nie noodwendig in woorde beskryf kan word nie. Beleef al die nuusgebeure, een foto op ʼn slag.
President Donald Trump, Japan se eerste minister, Shinzo Abe (middel), en Indiese eerste minister, Narendra Modi (regs), lag saam aan die begin van hulle ontmoeting by die G-20-beraad in Osaka, Japan. (Foto: Susan Walsh, AP)
Mense geniet die water op die Bassin de la Villette in Parys, Frankryk. Skole spuit kinders nat met water en ouetehuise voorsien bejaardes van hidrasiesensors. Die meeste dele van Europa ervaar tans ʼn erge hittegolf. (Foto: Lewis Joly, AP)
Britse Mercedes-bestuurder Lewis Hamilton loop tydens die eerste vrye oefensessie vir die Oostenrykse Formule Een Grand Prix-wedren by die Red Bull Ring-renbaan in Spielberg, in die suide van Oostenryk. Die wedren vind Sondag plaas. (Foto: Ronald Zak, AP)
Geboue is te sien al langs die Main-rivier in Frankfurt, Duitsland. (Foto: Michael Probst, AP)
ʼn Sprinkaan sit op ʼn sonneblom in Rheinau, Duitsland. (Foto: Patrick Seeger, AP)
Trump vertel seker ‘n skurwe Vandermerwe grap.