Die aardbewing is ook in die weste van Turkye, insluitend Istanboel, gevoel. Minstens tien mense is beseer en die skade wat in verskeie dorpe aangerig is, word nog beraam. Volgens foto’s lyk die skade aansienlik.
Die skudding was betreklik vlak, slegs sowat 7 km, wat die kanse op skade aansienlik vergroot het. Daar was minstens 25 naskokke, waarvan een op 4,4 gemeet is. Die episentrum was onder die see.
Die skudding kom in ’n jaar wat tot dusver ’n baie stil aardbewingjaar was. Die enigste twee skuddings vanjaar wat 7 of meer gemeet het, het in Januarie voorgekom. Verlede jaar was daar 16 skuddings van 7 of meer dwarsoor die wêreld.
Ook ander kategorie-sterktes was tot dusver veel minder.
Trouens, die aardbewing van 6,5 wat Botswana op 3 April vanjaar geskud het, was een van die sterkste aardbewings tot dusver vanjaar. Vroeër dieselfde dag is Stilfontein in Suid-Afrika deur ’n aardbewing van 5,2 geskud.