Die sonsverduistering soos gesien in Indonesië. (Foto: Juni Kriswanto/AFP)
Professionele sterrekundiges en amateur-kosmoloë in die suidelike Stille Oseaan-streek het Donderdag vasgenael deur hul beskermende brille gestaar na ʼn sonsverduistering waartydens die maan die son sowat ʼn minuut lank in skadu gehul het.
Dele van Australië, Indonesië en Oos-Timor is in dagligdonkerte gedompel – tot groot vreugde van sterrekykers. Aan die noordwestelike kant van Australië kon ʼn algehele verduistering waargeneem word.
In die dorp Exmouth het sterrekykers hul woonwaens staangemaak, teleskope uitgepak en beskermende brille opgesit om te kyk hoe die maan se skadu oor die son se oppervlak kruip, voordat ʼn algehele verduistering omstreeks 11:29 Australiese tyd plaasgevind het.
“Baie mense raak verslaaf aan daardie minute of so se spookagtige bonatuurlikheid,” sê John Lattanzio van die astronomievereniging van Australië.
“Hulle word ‘verduisterings-jagters’ en reis die wêreld vol vir nog sulke ervarings.”
JUST IN: Exmouth has just witnessed a rare total solar eclipse, with the town plunged into darkness as the sun, moon and earth perfectly aligned. ????#9News pic.twitter.com/C42O6Xtl2j
— 9News Perth (@9NewsPerth) April 20, 2023
Toe die donkerte toeslaan, het dit ʼn spektraalstilte veroorsaak, vertel diegene wat die verduistering gadegeslaan het.
Minder as ʼn minuut later was die stowwerige landskap weer terug in daglig.
BABY, BABY, YOU'RE MY SUN AND MOON ????
A photographer captured the rare hybrid solar eclipse that graced their neighborhood in Burnay Sands, Gitagum, Misamis Oriental on Thursday.
Uploader Ian Christopher Valenzuela shared that it was his first time capturing a solar eclipse. pic.twitter.com/2GJuqSD6jo
— The Philippine Star (@PhilippineStar) April 20, 2023
Kort daarna het duisende mense by ʼn planetarium in Djakarta in Indonesië tougestaan om die gedeeltelike verduistering van die son deur teleskope te bekyk.
In Bekasi, aan die buitewyke van Djakarta, het Kristoforus Aryo Bagaskoro en sy tienjarige dogter, Angela Tara, die verskynsel in die weerkaatsing van ʼn watergevulde emmer bewonder.
“Tara kon sedert gister nie ophou babbel hieroor nie, so ek het vanoggend die emmer gebruik sodat ons ook daarna kon kyk,” sê hy. “Dit was ʼn sonderlinge ervaring.”
Partial Solar eclipse time-lapse compressed into one photo ????✨
????: matuutex pic.twitter.com/oPVVonLlyr
— Wonder of Science (@WonderofScienc) April 11, 2023
Vir gewone toeskouers was dit dalk ʼn roerende ervaring, maar die verduistering het wetenskaplikes ook ʼn kans gegee om die son se ligkrans, wat gewoonlik as gevolg van die helder strale nie sigbaar is nie, te bestudeer.
ʼn Soortgelyke verduistering het Albert Einstein indertyd gehelp met die hipotese dat lig kan buig.
By Com-strand, in die suide van Oos-Timor, het meer as ʼn duisend mense, onder wie toeriste en sterrekundiges, byeengekom om die een minuut lange verduistering te sien.
Here is the solar eclipse in real time from the Exmouth Gulf. #SolarEclipse2023 pic.twitter.com/5A583Z2E8u
— Chris Lewis (@a_film_maker) April 20, 2023
En om te dink dat ons Hemelse Vader het hierdie verskynsel en die dag en datum en tyd reeds bepaal van voor die skepping af. Wat ‘n grote God is Hy nie? Alle eer aan Hom.