Die voorblad van die jongste uitgawe van People. (Foto: Carter Smith/People)
Patrick Dempsey, die Amerikaanse akteur bekend vir sy rol as Derek ‘McDreamy’ Shepherd in die hospitaaldrama, Grey’s Anatomy, is pas as die People-tydskrif se sexyste man ter wêreld vir 2023 aangewys.
Dempsey (57) het hartebrekerstatus bereik met sy rol as die neurochirurg wat al wat ʼn jong dokter – en miljoene kykers wêreldwyd – se knieë behoorlik lam gemaak het.
Hy het egter reeds in 1987 sy deurbraakrol in die fliek Can’t Buy Me Love gehad. Hy is eersdaags in die langverwagte rolprent, Ferrari, teenoor akteurs soos Adam Driver, Penelope Cruz en Shailene Woodley te sien.
“Ek is bly dit gebeur op hierdie punt in my lewe,” het Dempsey aan People oor die titel van sexyste man gesê.
“Dit is lekker om erkenning te kry en my ego kry beslis ʼn klein hupstoot, maar dit bied ook vir my ʼn platform wat ek vir iets positief kan aanwend.”
Volgens die akteur was hy “geskok” toe hy die nuus hoor. “Ek het heeltemal daarvan vergeet en nooit eers daaraan gedink om in hierdie posisie te wees nie.”
Dempsey sê sy 16-jarige tweelingseuns, Sullivan en Darby, en 21-jarige dogter, Talula, sal vermoedelik die gek met hom skeer oor dié titel.
“Dis ʼn goeie ding, hulle hou my jonk,” sê hy.
Dempsey sal eersdaags op die grootskerm te sien wees as Piero Taruffi, ʼn Italiaanse renjaer. Hy erken hy moes vir homself ʼn gaatjie in dié rolprent maak.
“Ek volg die fliek al vir jare. Ek het vir Michael [Mann, die regisseur] gebel en gevra of ek deel kan wees daarvan. Dit het my geleer dat as jy regtig iets wil hê, jy dit self moet laat gebeur.”
Dempsey is getroud met Jillian (57), ʼn grimeerkunstenaar.
Beauty lies in the eyes of the beholder
Beslis nie mooier as Christiano Ronaldo nie.
Oh man ek stem saam!!!!
Wel hulle het duidelik nie hier in my omgewing n opname kom doen nie………..nou nie dat ek voor op die wa wil klink nie…
Mooi man!! Geldige opmerking. Ha Ha Ha
Delicious!!! Dit is maar nou net so dat party mans beter lyk as hulle ouer word, en die Patrick Dempsey is nou een van hulle. Mooi was nog nooit lelik nie
Hy is seker nie te versmaai nie maar hy kom nog nie naby Bradley Cooper nie.
Oe, ek stem 100% saam met jou!!
Hy gaan ‘n lelike ou oom word… Daar is aantrekliker Afrikaanssprekende ouens hier… Ook onder ons boere.
Hy is nogal baie aantreklik vir sy 57 jarige ouderdom.
Pretty…very pretty!!!
Net nog ‘n man, wys my sy hart, karakter en integriteit.
Daar is maar “Elemente” onder alle geslagte wat swak karakter en geen integriteit het nie. Dit was net n mooi gesigie kompetisie, nie n Mr Personality kompetisie nie…
Hoe ouer mense word, hoe meer moet hul staatmaak op hul geaardheid om aantreklik te wees. Ek sien deesdae mense wat saam met my op skool was, wat bestempel was as aantreklik / beeldskoon, wat kinders kan skrikmaak. Wat hul geaardheid kom al hoe meer deur.
Wonder of enige dames van sy ouderdom al ooit vir so iets selfs net oorweeg is?
Ja, daar is ook.
Hiers n paar boere wie se harte nou vinniger klop
Dis darm maar n mooi man