’n Suid-Afrikaanse man het Donderdag gesterf nadat ʼn vliegtuig naby die Dubai Internasionale Lughawe in die Verenigde Arabiese Emirate neergestort het. Drie Britse burgers het ook in die voorval omgekom.
The Guardian berig ʼn ondersoek is van stapel gestuur nadat ʼn vier-sitplek Britse Diamond DA42-vliegtuig etlike kilometers suid van dié lughawe geval het.
Volgens die BBC het die voorval waarin twee vlieëniers en twee passasiers gesterf het omstreeks 19:30 (plaaslike tyd) gebeur.
Plaaslike owerhede het gesê die vliegtuig was ten tyde van die voorval gebruik om navigasietoestelle te kalibreer. ʼn Ondersoek na die oorsaak van die ongeluk is van stapel gestuur.
Die voorval het ʼn vertraging in vlugte veroorsaak met die lughawe wat vir 45 minute gesluit was.
Die oorledenes is nog nie geidentifiseer nie.
tragedie, sterkte aan families
Rus in vrede Frits. Ons gaan jou baie mis!