Sewe mense is dood in ʼn ontploffing by ʼn vulstasie in Donegal in die noordweste van Ierland, het die polisie Saterdag gesê.
Die Garda Síochána-polisiemag sê agt mense is na hospitale geneem. “Die soektog duur voort na verdere sterfgevalle,” in die dorpie Creeslough.
Reddingspogings deur Ierland se nooddienste het deurnag voortgeduur ná ʼn ontploffing Vrydagmiddag by ʼn vulstasie en naby ʼn woonstelblok.
Ierland se polisie, brandweer, nooddienste, kuswag en ʼn ambulansdiens van Noord-Ierland het reageer. ʼn Spesialisspan van die Britse provinsie is ook op die toneel.
Letterkenny-universiteitshospitaal, sowat 24 km van die toneel, is op gereedheidsgrondslag geplaas en hanteer tans “verskeie ongevalle”.
Ierland se premier, Micheál Martin, het gesê hy “dink aan en bid vir diegene wat hul lewens verloor het en vir diegene wat in die verwoestende ontploffing beseer is”.
“Mense reg oor die eiland is geskok oor die absolute verwoesting,” het hy bygevoeg en die nooddienste bedank “wat deurnag gewerk het onder uiters traumatiese omstandighede”.
Die oorsaak van die ontploffing is nog nie bekendgemaak nie.
Prayers with our neighbours in Donegal this evening following the tragic events unfolding in Creeslough
Thinking of everyone affected by the gas explosion at the Applegreen Station pic.twitter.com/jcEx9uGK6H
— Mayor Derry Strabane (@mayordcsdc) October 7, 2022
Thoughts and prayers for the people of Creeslough, Co. Donegal. Apparently the local petrol station exploded. Hope everyone is ok. pic.twitter.com/uODada0kAu
— Erenagh (@interirish) October 7, 2022