Só lyk SpaceX se lanseringsplatform in Texas ná die lansering van Starship. (Foto: Patrick T. Fallon / AFP)
Die reusagtige vuurpyl Starship het tydens sy eerste toetsvlug verlede week groot skade aan SpaceX se lanseringsplatform in die Amerikaanse deelstaat Texas aangerig.
Dit sal maande neem om die skade te herstel wat beteken dat verdere lanseringspogings én die ontwikkeling van ʼn vuurpyl wat Nasa beplan om op sy komende maansendings te gebruik, moontlik vertraag gaan word.
Starship is Donderdag van SpaceX se platform gelanseer, net om minute later te ontplof.
Daar kan in ʼn video van die lansering gesien word hoe ʼn rommelreën tot by die Golf van Mexiko, meer as 420 m weg, geblaas word. Luidens plaaslike mediaberigte het ʼn stofwolk ook ná die lansering oor ʼn klein dorpie ʼn paar kilometer daarvandaan gehang.
Dit blyk egter dat SpaceX se ingenieurs die skade onderskat het wat Starship se 33 vuurpylenjins tydens die lansering aan die lanseringsplatform sou aanrig.
“Die krag van die enjins het moontlik die beton gebreek, eerder as om dit bloot te erodeer,” het Elon Musk, SpaceX-stigter, oor die naweek gesê.
Gelukkig vir Musk het die reusevuurpyl eers vir sowat vier minute gestyg voordat dit oor die Golf van Mexiko ontplof het.
Musk het juis voor die lansering gesê indien Starship ver genoeg van die lanseerplatform kan kom voordat iets skeefloop, sal hy dit waarskynlik as ʼn sukses beskou. “Dit moet net nie die lanseerplatform opblaas nie,” was sy woorde.
Só lyk SpaceX se lanseringsplatform in Texas ná die lansering van Starship. (Foto: Patrick T. Fallon / AFP)
Olivier de Weck, ʼn professor in ruimtevaartkunde en ingenieurswese aan MIT, sê “die radius van die puin en versteuring was waarskynlik groter as wat enigiemand verwag het”.
“Die grootste skade aan die lanseerplatform is onder, waar die vlamme op die grond val.”
De Weck wys dan daarop dat Starship se lanseringsplatform anders as soortgelyke platforms wat vir sulke groot vuurpyle gebruik word, nie ʼn “watervloedstelsel” het nie.
Dié stelsel word gebruik om die platform met water te oorstroom, dit af te koel en skok- en klankgolwe te absorbeer.
Só lyk SpaceX se lanseringsplatform in Texas ná die lansering van Starship. (Foto: Patrick T. Fallon / AFP)
Die lanseringsplatform in Texas het ook nie wat bekend staan as ʼn vlamsloot nie – tonnels wat warm uitlaatgas weg van die pad kanaliseer.
Musk het ná Donderdag se toetsvlug gesê dat SpaceX ʼn massiewe waterverkoelde staalplaat gebou het om onder die lanseerstrook te gaan.
Maar dit “was nie betyds gereed nie”, en ingenieurs het “verkeerdelik” bereken dat die platform die lansering nietemin kon deurstaan.
Starship liftoff in slow motion pic.twitter.com/KqHjqwP88Z
— Elon Musk (@elonmusk) April 22, 2023
Slow mo video of liftoff from the tower pic.twitter.com/tbf1aAKsgD
— SpaceX (@SpaceX) April 20, 2023
More photos from the first flight test of a fully integrated Starship and Super Heavy rocket pic.twitter.com/tnd6Vkw5uR
— SpaceX (@SpaceX) April 23, 2023
Dit lyk vir my of Musk se kop begin raas, of sy geweldige rykdom sy verstand begin aantas. Ek verstaan hy kan ook nie in ons land kom woeker nie want dan moet hy iets soos 51% van die besigheid se bestuur in swart hande plaas. Ek glo die ANC-kaders sal nie kan wag om hul vingers in daardie man se geldkassie te steek nie.
Verduidelik nou hoe sy rasende kop enigiets te doen het met Starship?
Nie heeltemal seker hoekom jy beweer dat Musk se kop raas nie. Hy het een van die grootste vuurpyle ooit gelanseer. Die feit dat dit ontplof het beteken dat hulle baie belangrike data kon bymekaarmaak en kan verbet op die volgende een. Verduidelik bietjie hoekom “sy kop raas”?
Hy jaat my dink aan die “rocket man” van Noord Korea – wil die grootste vuurpyl ooit bou. Die ding het die lanseringsplatform opgevoeter, kort na opstyging ontplof en sy skerwe meer as 400 km ver weggeblaas. Al “data” wat hulle kon wys word is dat dit ‘n totale flop was en dat dit presies is wat nie weer gedoen moet word nie. Ou Kim s’n vlieg darem ten minste. Kyk ook wat het met Twitter gebeur.
Dit mag so wees dat sy kop raas…… Verskaf asseblief inligting in die verband.
Ek neem aan dis nie besoedeling nie.
Alhoewel dit nou nie heeltemal ‘n sukses was nie, bly dit steeds ongelooflik indrukwekkend!!
Ek skat so ja. Hulle se die rocket is 40 verdieppings hoog – die gootste ooit, en dit nogal deur n privaat firma! Ek is maar skepties t.o.v sommige van Musk se planne, maar ek kan wel krediet gee wanneer dit ‘n persoon toekom. Ander kommentators se koppe werk anders…..
Die vuurpyl het ontplof toe dit die uitspansel getref het.
Die maansendings bly nog ‘n droom. Hulle wil seker gaan kaas skep.
Hoop hy gaan die gemors opruim