Die lewe loop soms vreemde draaie met ʼn mens, niemand beplan om eendag te skei wanneer hulle trou nie. En soms kom daar ’n tweede kans op liefde oor ʼn mens se pad.
Ongelukkig het tweede of derde huwelike dikwels nog ʼn slegter kans om te oorleef. Soveel as 67% van tweede huwelike eindig in die skeihof terwyl 74% van derde huwelike op ʼn skeisaak uitloop.
In die sewende episode van Maroela Media se podsendingreeks oor die lief en leed van verhoudings gesels Louis Venter, kliniese terapeut en stigter van Couples Help, oor liefdesraad vir mense wat ʼn tweede kans op liefde wil waag.