Soorte resepte:

[Resep] Goue aartappels

Foto: Koskas Kos

Foto: Koskas Kos

Dit lyk mos heerlik!

Lewer 4-6 porsies

Bestanddele:

  • 10 middelslagaartappels, geskil en in dun skyfies gesny
  • 450 g ricottakaas, gekrummel
  • 15 ml sout
  • 5 ml varsgemaalde swartpeper
  • 45 ml gekapte vars koljander- of tiemieblare
  • 45 ml fyn koljander
  • 750 ml vars room of suurroom, gemeng met 5 ml borrie
  • 50 g botter
  • 45 ml broodkrummels

Metode:

  1. Voorverhit die oond tot 180 °C en smeer ʼn oondbak of koekpan.
  2. Bedek die bodem van die oondbak of koekpan met een-derde van die aartappelskyfies. Geur die laag met een-derde  van die speserye en kruie in die volgende volgorde: sout, peper, koljander- of tiemieblare, fyn koljander. Bedek die laag met een-derde van die ricottakaas. Voeg een-derde van die room by en stip dit met een-derde van die botter.
  3. Herhaal die proses tot die bestanddele op is. Strooi ʼn dun lagie broodkrummels oor die bokant, bedek met foelie en bak vir 45 minute. Verwyder die foelie 10 minute voor die baktyd verstreke is om seker te maak dat die gereg bruin bak.

Bron: Koskas Kos
Uitgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Gerhard ·

As iemand wat sy geboortereg vir aartappels in enige vorm sal verruil, is hierdie resep net die ding om hierdie naweek te beproef. Kan nie wag nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.