Soorte resepte:

Resep: Sophie se broodrolle

Foto: wisegeek.org

Foto: wisegeek.org

Mev. Sophie Franken van Buffelsjagrivier het ‘n buite-oond waarin sy haar broodrolle bak wanneer hulle vleis braai of potjiekos maak. ‘n Gewone oond bak egter ewe goed.

Lewer sowat 36 broodrolle

Bestanddele:
750 ml sterk lou water
5 ml suiker
10 ml kitsgis
1 925 kg koekmeelblom of witbroodmeel
15 ml sout
600 ml sterk lou water
1 eier, geklits

Metode:
1. Voorverhit die oond tot 220°C (425°F). Smeer bakplate.
2. Meng die 750 ml water, suiker en gis. Voeg 425 g (750 ml) van die koekmeelblom of witbroodmeel by en meng tot ‘n slap deeg. Bedek en laat 1 uur lank in ‘n warm plek rys.
3. Voeg die oorblywende 1.5 kg meel, sout en 600 ml water by en knie tot ‘n slap deeg. Bedek en laat weer 1 uur lank in ‘n warm plek rys.
4. Knie die deeg af. Smeer hande met sonneblomolie en knyp eiergrootte-rolle tussen die duim en voorvinger af. Plaas die rolle ‘n entjie van mekaar op die bakplate en verf die eier bo-oor. Laat 10 minute lank rys en bak dan sowat 15 minute lank in die middel van die oond tot goudbruin.

Hierdie resep is oorspronklik gepubliseer in Huisgenoot Wenresepte 1
Uitgewer: Human & Rousseau
Prys: R285-00*
*Prys onderhewig aan verandering

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Dave ·

Voorverhit die oond twee ure voor die tyd? No 1 behoort no 3 te gewees het.

Santjie ·

Ja Dave, dink jy is reg, veral terwyl escom ook nog so geweldig onder druk is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.