Soorte resepte:

[Resep] Vrugtebroodjie

Foto: Kook saam Kaaps

Vrugtebroodjie. Foto: Kook saam Kaaps

As jy van vrugtekoek hou, sal dié broodjie jou hart baie bly maak…

1 middelslag-broodjie

Bestanddele:

  • 300 g vrugtekoekmengsel
  • 250 ml koue sterk rooibostee
  • 2 eiers
  • 180 ml suiker
  • 250 g volkoringmeel
  • 5 ml bakpoeier
  • 3 ml gemengde speserye

Metode:

  1. Week die vrugtekoekmengsel oornag in die koue rooibostee.
  2. Voorverhit die oond tot 180°C en smeer ‘n groot broodpan.
  3.  Roer die suiker by die vrugtemengsel en voeg dan die volkoringmeel by.
  4. Klits die eiers en roer dit deeglik deur die mengsel.
  5. Skep die deeg in die voorbereide brood pan.
  6. Bak vir 75 minute (1¼ uur) tot gaar.
  7. Keer op ‘n draadrak uit en laat afkoel.

Bron: Kook saam Kaaps
UItgewer: Lapa

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Adri ·

Dankie dit lyk nou baie lekker gaan dit definitief probeer. My man is mal oor vrugtekoek.

Elize ·

Kan die broodjie, ook soos ‘n vrugtekoek, lank bewaar word?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.