Soorte resepte:

Resep: Ma se melkkos

Ma se melkkos (Foto: Lapa-uitgewers)

Geniet hierdie goue oue!

Lewer 6 porsies

Bestanddele:

  • 300 g (600 ml) koekmeel
  • 5 ml sout
  • 100 ml water
  • 1 liter melk
  • 750 ml water
  • 115 g (125 ml) botter of margarien
  • 200 g (250 ml) suiker
  • 10 ml fyn kaneel

Metode:

  1. Meng die koekmeel en sout saam.
  2. Sprinkel die 100 ml water bietjie vir bietjie oor die meelmengsel terwyl dit met die vingers gevryf word, tot fyn en krummelrig.
  3. Kook die melk, 750 ml water en botter of margarien saam in ’n kastrol. Verlaag die hitte sodra dit kook en roer die meelmengsel by. Hou aan met roer totdat die mengsel verdik.
  4. Laat die melkkos stadig prut vir ± 5 minute. Roer af en toe sodat dit nie aanbrand nie.
  5. Skep die melkkos in bakkies en sit warm voor met kaneelsuiker.

Bron: Smul sonder sukkel, Olga Wall

Uitgewer: Lapa-uitgewers

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Nageregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

SNEL ·

Nee watse gewater is dit, vervang die water met melk, dis immers melkkos en met net melk, sommer nog lekkeder e romeriger.

Flemming ·

En jy vryf die meelmengsel g’n met water nie, dit is waarvoor die botter of margarien daar is, om “vrummels” te maak.
Dan kan jy ook ‘n deeg uitrol en in repe sny soos pasta om dan te kook in skoon melk. Weer g’n water nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.