Soorte resepte:

[Resep] Laekoolhidraat-kaaskoek met bessies

Laekoolhidraat-kaaskoek met bessies. Foto: Jou beste lewe

Die lewe is nie lekker sonder nagereg nie, maar pas jou porsiegrootte aan en hou dit so gesond moontlik. Hierdie resep help!

Lewer 12 snye

Bestanddele:

  • 2 houers (230 g elk) roomkaas
  • 1 k Griekse jogurt
  • 5 vryloop-eiers
  • ½ vanieljepeul se saad
  • 4 e heuning
  • 250 g gemengde bessies

Metode:

  1. Voorverhit die oond tot 170 °C.
  2. Verwerk al die bestanddele behalwe die bessies goed saam tot dit glad is en giet bo-op ʼn gebakte kors.
  3. Bak vir 20 minute of tot die koek net gestol is.
  4. Los om af te koel en sit voor saam met die bessies.

Bron: Jou beste lewe – Vinnige en gesonde gesinsetes
Uitgewer: CUM

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Saartjie B ·

Wat sê die kosmakers en die boere – is ‘n vryloophoender dieselfde as ‘n skrophoender? En indien wel, kan ons nie liewers skrophoender gebruik nie?

SNEL ·

Nee wat Saartjie B, ek gaan eerder n lêhoender se eiertjies gebruik of is n eier ook nou nie eers meer n eier nie….die lewe raak nou op alle gebiede so ingewikkeld een van die dae het jy n kwalifikasie nodig om n resep te verstaan.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.