Soorte resepte:

Resep: Tunasampioene

Lochner de Kock (Foto: Skermgreep uit die video)

Maak dié resep as ʼn voorgereg, bykos, of sommer as ʼn ligte maaltyd!

Bestanddele

  • 6 groot sampioene
  • ½ ui, gekap
  • 4 jongtamaties, in kwarte gesny
  • ½ blikkie tuna
  • 2 e mayonnaise
  • sout en peper
  • wit cheddarkaas

Metode

  1. Krap die binnekant van die sampioene uit. Gooi die stukkies wat jy uitkrap in ʼn bakkie.
  2. Voeg die ui, tamatie, tuna en mayonnaise by die stukkies sampioen in die bakkie.
  3. Geur met sout en peper en meng alles saam.
  4. Skep die uitgeholde sampioen vol van die tunamengsel en sprinkel kaas bo-oor.
  5. Bak vir 15-20 minute by 200 °C.

 

Kyk in die video hoeveel van elke bestanddeel Lochner byvoeg, en pas dit gerus aan volgens jou persoonlike behoeftes.

Hierdie video is deel van ʼn reeks kosvideo’s wat Maroela Media saam met Lochner de Kock, bekende Suid-Afrikaanse koskenner, vervaardig. Die video’s word weekliks op Maroela Media gepubliseer. Kyk na al die Hap saam met Lochner-video’s op Maroela Media. – Red

Kyk hier hoe Lochner hierdie resep voorberei:

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Resep-video's, Vleis en seekos

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Marietjie ·

Dankie Lochner ek het gisteraand die gereg gemaak maar my Tuna met bacon vervang.
Dit was heerlik en baie vullend.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.