Die 36-jarige Andy Murray het slegs die negende speler geword om 200 wedstryde by ʼn Grand Slam-toernooi te wen toe hy Corentin Moutet met 6-2, 7-5 en 6-3 in die Amerikaanse Ope geklop het.
Die veglustige Skot speel volgende teen Grigor Dimitrov in New York.
“Corentin is een van die opwindendste spelers op die ATP-toer. Hy beweeg baie goed en hy soek altyd na ʼn manier om jou spel te ontwrig. Ek hoop dat hierdie wedstryd tennisliefhebbers vermaak het en ek is dankbaar om na die volgende ronde deur te dring,” het Murray gesê
Die rekord vir die meeste oorwinnings in Grand Slam-wedstryde staan steeds agter Roger Federer se naam. Die legendariese Switserse tennisster het 369 Major-wedstryde in sy loopbaan gewen.
Novak Djokovic is egter kort op sy hakke met sy 354 oorwinnings, gevolg deur Rafael Nadal (314) en Jimmy Connors (233).
How Andy Murray's Grand Slam wins break down⬇️ pic.twitter.com/P7qLa6vhgm
— US Open Tennis (@usopen) August 29, 2023
Uitslae:
Jannik Sinner klop Yannick Hanfmann met 6-3, 6-1 en 6-1
Gael Monfils klop Taro Daniel met 4-6, 6-4, 6-2 en 7-6
Lloyd Harris klop Guido Pella met 7-6, 6-4 en 6-4
Stan Wawrinka klop Yoshihito Nishioka met 7-6, 6-2 en 6-4
Alex de Minaur klop Timofey Skatov met 6-2, 3-6, 6-1 en 7-5
Hubert Hurkacz klop Marc-Andrea Huesler met 4-6, 5-7, 7-6, 6-3 en 6-1
John Isner klop Facundo Diaz Acosta met 6-4, 6-3 en 7-6
Andrey Rublev klop Arthur Cazaux met 6-4, 7-6 en 6-1
Andy Murray klop Corentin Moutet met 6-2, 7-5 en 6-3
Cameron Norrie klop Alexander Shevchenko met 6-3, 6-2 en 6-2
Daniil Medvedev klop Attila Balazs met 6-1, 6-1 en 6-0
Alexander Zverev klop Aleksandar Vukic met 6-4, 6-4 en 6-4
Aryna Sabalenka klop Maryna Zanevska met 6-3 en 6-2
Karolina Pliskova klop Elena Ruse met 6-1 en 6-4
Jessica Pegula klop Camila Giorgi met 6-2 en 6-2
Ons Jabeur klop Camila Osorio 7-5 en 7-6.